ជនសង្ស័យ ដែលបា.ញ់សម្លា.ប់ប្រពន្ធ នៅបុរីពិភពថ្មី កួរស្រូវ ត្រូវសមត្ថកិច្ច ចាប់បានហើយ
ភ្នំពេញទាន់ហេតុការណ៍៖បុរសជាប្តីក្រោយកើតហេតុប៉ុន្មានម៉ោង បុរសជាប្តី ដែលបានបា.ញ់សម្លា.ប់ប្រពន្ធ នៅផ្ទះ បុរីពិភពថ្មី កួរស្រូវ ត្រូវបានសមត្ថកិច្ច ចាប់បានហើយ។
សមត្ថកិច្ចខណ្ឌដង្កោ បានឱ្យដឹងថា ក្នុងពេលទៅពិនិត្យស.ពស្ត្រីរងគ្រោះ សមត្ថកិច្ច បានរកឃើញគ្រឿងញៀន ទម្ងន់ ១គ.ក នៅក្នុងផ្ទះនោះ។
សូមរម្លឹកថា នៅល្ងាចថ្ងៃទី២ ខែមីនា២០២៣ មានការភ្ញាក់ផ្អើលមួយ បានកើតឡើង ដោយសារតែស្រ្តីមានផ្ទៃពោះម្នាក់ ត្រូវបានគេសង្ស័យថា ប្ដីបានបា.ញ់ចំនួន ២គ្រាប់ បណ្ដាលឲ្យស្លា.ប់បាត់បង់ជីវិត នៅក្នុងថ្លុកឈាម នៅក្នុងបន្ទប់ឡៅតឿ ក្នុងផ្ទះល្វែងមួយកន្លែង បន្ទាប់ពីកើតហេតុ ប្ដីកំណាចនោះ បានរត់គេចខ្លួនបាត់។
ហេតុការណ៍នោះ បានកើតឡើង នៅផ្ទះលេ១៦៨ ផ្លូវលេខKS03 បុរីពិភពថ្មី កួរស្រូវ ៣ ស្ថិតក្នុងភូមិកណ្ដាល សង្កាត់រលួស ខណ្ឌដង្កោ រាជធានីភ្នំពេញ។
ប្រភពពីកន្លែងកើតហេតុ បានឱ្យដឹងថា ស្រ្តីរងគ្រោះ ឈ្មោះ ម៉ៃ សុគន្ធា ហៅ អេណា អាយុ ៣៤ឆ្នាំ មុខរបរសាឡន មានប្ដី ២នាក់ហើយ។ ប្ដី មុនមានកូន ៤នាក់ និងបានលែងលះគ្នា ១ឆ្នាំមកហើយ។ បន្ទាប់មក បានយកប្ដីក្រោយ ដែលជាជនសង្ស័យ និងឮថា កំពុងមានផ្ទៃពោះ ៤ខែផង។ ប៉ុន្តែពុំទាន់ដឹងថា ប្ដីក្រោយនេះ មានសមាសភាព ជាអ្វីនៅឡើយទេ ទើបបានជាមានកាំភ្លើងប្រើប្រាស់ ហើយបា.ញ់សម្លា.ប់គាត់បែបនេះ។
ប្រភពដដែល បាននិយាយទៀតថា ប្ដីប្រពន្ធខាងលើ ទើបទៅទិញផ្ទះកើតហេតុនោះ រស់នៅជាង ៣ខែប៉ុណ្ណោះ ហើយនៅមុនពេលមានការភ្ញាក់ផ្អើលនេះ ពុំមាននរណាបានដឹងថា ប្ដីប្រពន្ធនេះ មានទំនាស់គ្នារឿងអ្វី ហើយបា.ញ់សម្លា.ប់ក្នុងពេលណានោះឡើយ។
ប៉ុន្តែអ្នករស់នៅក្នុងបុរីនោះ បានឃើញទ្វារផ្ទះកើតហេតុ ចំហរ ហើយដោយខ្លាចមានចោរចូលលួចទ្រព្យសម្បត្តិ ទើបរាយការណ៍ ប្រាប់សន្តិសុខយាមបុរី ឲ្យទៅមើល។ ស្រាប់តែប្រទះឃើញស្រ្តីរងគ្រោះដេកស្លា.ប់ ក្នុងថ្លុកឈាម ដោយមានស្នាម ត្រូវគ្រាប់កាំភ្លើង ២គ្រាប់ ទើបមានការភ្ញាក់ផ្អើលតែម្ដង។ សន្តិសុខយាមបុរីនោះ បានរាយការណ៍ជូននគរបាលខណ្ឌដង្កោ និងនគរបាលការិយាល័យបច្ចេកទេសវិទ្យាសាស្រ្តនៃស្នងការដ្ឋានរាជធានីភ្នំពេញ បានទៅពិនិត្យកោសល្យវិច័យ និងស្រាវជ្រាវ ដើម្បីចាប់ខ្លួនជនដៃដល់ មកផ្ដន្ទាទោសតាមច្បាប់៕
Post a Comment