🙏ឯកឧត្តម ង៉ួន សុជាតិ តំណាងរាស្ត្រមណ្ឌលខេត្តកំពង់ចាម ផ្ញើរសាររំលែកទុក្ខ គោរពផ្ញើជូន លោកជំទាវ ហេង ខាំប៉ុង🙏

 🙏ឯកឧត្តម ង៉ួន សុជាតិ តំណាងរាស្ត្រមណ្ឌលកំពង់ចាមផ្ញើរសារំលែកទុក្ខលោកជំទាវ ហេង ខាំប៉ុង ។

ខ្ញុំបាទ អ្នកតំណាងរាស្ត្រមណ្ឌលខេត្តកំពង់ចាម និងភរិយាព្រមទាំងក្រុមការងារ មានក្ដីរំជួលចិត្តឥតឧបមា ដោយបានទទួលដំណឹងដ៏ក្រៀមក្រំថា ឯកឧត្តម ប៊ូ ឡាំ តំណាងរាស្ត្រមណ្ឌលរតនគិរី និងជាសមាជិកគណៈកម្មការទី៤ នីតិកាលទី៦ នៃរដ្ឋសភា ត្រូវជាស្វាមីរបស់លោកជំទាវ បានទទួលមរណភាព កាលពីវេលាម៉ោង ១២នឹង១២នាទីថ្ងៃត្រង់ ថ្ងៃច័ន្ទ ២រោច ខែភទ្របទ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១២ ខែកញ្ញា ឆ្នាំ២០២២ ក្នុងជន្មាយុ ៦៧ឆ្នាំ ដោយរោគាពាធ...

🙏 ក្នុងវេលាប្រកបដោយសមានទុក្ខដ៏ក្រៀមក្រំនេះ ខ្ញុំ និងភរិយា សូមសម្ដែងនូវការសោកស្តាយ ស្រណោះអាឡោះអាល័យជាទីបំផុតជាមួយ លោកជំទាវ និងក្រុមគ្រួសារនៃសព ចំពោះការបាត់បង់ ឯកឧត្តម ប៊ូ ឡាំ ដែលជាស្វាមី ឪពុក ឪពុកក្មេក ជីតា ពោរពេញដោយព្រហ្មវិហារធម៌មិនចេះរីងស្ងួត ចំពោះភរិយា កូនៗ ចៅៗជាទីស្រឡាញ់...មរណភាពរបស់ ឯកឧត្តម ប៊ូ ឡាំ ជាការបាត់បង់ដ៏ធំធេងនូវឥស្សរជនមួយរូប ដែលបានរួម ចំណែកក្នុងការតស៊ូរំដោះប្រទេសជាតិចេញពីរបបប្រល័យពូជសាសន៍ ប៉ុល ពត និងបានបំពេញការងារយ៉ាងសកម្មជាមួយស្ថាប័ននីតិប្បញ្ញត្តិ ប្រកបដោយឆន្ទៈមនសិការបម្រើឧត្តមប្រយោជន៍ជាតិ មាតុភូមិ នាពេលកន្លងមក...

🙏 ខ្ញុំ និងភរិយា សូមឧទ្ទិសបួងសួងដល់ដួងវិញ្ញាណក្ខន្ធឯកឧត្តម ប៊ូ ឡាំ សូមឆាប់បានចាប់ កំណើតកើតក្នុងសុគតិភពគ្រប់ៗជាតិ កុំបីឃ្លៀងឃ្លាតឡើយ...🙏🙏🙏

🙏 សូម លោកជំទាវ ទទួលនូវមនោសញ្ចេតនារំលែកទុក្ខដ៏ក្រៀមក្រំពី ខ្ញុំបាទនិងភរិយា ព្រមទាំងក្រុមការងារ»...🙏🙏🙏៕